Tuesday 19 July 2011

මදූ

හද ඉල්ලූ නුඹම මදූ
නෙත රැඳි රුව නුඹය සුදූ
සෙනෙහස් ගඟුලකැයි පිදූ
හද පිරිමැදි පහස මෘදූ
අහසේ මාලිගා තැනූ
වෙරලේ වැලි ගෙවල් මැවූ
හද ගිණි දැල් සැනින් නිවූ
ගීයකි තාලයක් සෙවූ

පබදින රන් පබලු වැනී
වදන් සවන රුවන් මෙනී
නෙතු සඟලේ පහසෙ එතී
නුඹෙ උකුලේ සුවෙන් නිදී

කල්පෙක සුව මොහතක දී
දෑඟිලි කෙහෙ අතර රැදී
ලවනත මී පහස දිදී
මගේ සිහින නුඹ නොබිදී

2 comments:

බලලා නිකන් යන්නේ නැතුව මොනා හරි කියලා යන්න..